سعودی رجیم 12 سال سے یمن میں ہولناک مظالم انجام دے رہی ہے، ہزاروں بچوں اور خواتین کو شہید کیا،2,000 سے زائد مساجد پر حملہ کیا، سید بدرالدین الحوثی

یمن کے انقلابی رہنما سید عبدالملک بدرالدین الحوثی نے مکہ مکرمہ پر حملے کے سعودی دعوے کو "ایک بڑا جھوٹ، انتہائی قبیح و شنیع، اور ایک بڑی اور کھلی تہمت" قرار دیتے ہوئے کہا کہ متجاوز سعودی عرب 12 سال سے یمن پر ظالمانہ جارحیت اور محاصرہ کر رہا ہے، جبکہ ہزاروں بچوں اور خواتین کو شہید کیا،2,000 سے زائد مسجدوں کو نشانہ بنایا، نابیناؤں کے مرکز، قبرستانوں اور تاریخی عمارات کو تباہ کیا، اور جنسی جرائم سمیت ہولناک مظالم کا ارتکاب کیا۔ دشمن ہر سطح پر یمن کے خاتمے کا خواہاں تھا۔

🔹 یمن کے انقلابی رہنما سید عبدالملک بدرالدین الحوثی نے اپنی تازہ تقریر میں سعودی رجیم پر سخت تنقید کرتے ہوئے کہا کہ سعودی جارحیت اور محاصرے نے یمن کی قوم کو ہر سطح پر نقصان پہنچایا ہے۔ انہوں نے کہا کہ صہیونی دشمن تناؤ میں کمی کے مرحلے میں بھی یمن کو ٹوٹنے کی طرف لے جانا چاہتا تھا، لیکن یمنی قوم نے استقامت کا مظاہرہ کیا۔ انہوں نے مسلح افواج کی کامیابیوں پر عوام کو مبارکباد دی اور اللہ کا شکر ادا کیا۔

🔹 سید بدرالدین الحوثی نے کہا کہ یمن کی قوم 12 سال سے متجاوز سعودی رجیم کی مسلسل جارحیت اور ظالمانہ محاصرے کا سامنا کر رہی ہے، جسے امریکہ کی حمایت اور صہیونیوں کی اکسانے پر مسلط کیا گیا۔ انہوں نے کہا کہ سعودی عرب ہر مرحلے پر جارحیت کا آغاز کرنے والا رہا ہے، جبکہ یمن دفاعی پوزیشن میں ہے۔ حالیہ کشیدگی صنعاء کے ہوائی اڈے پر سعودی بمباری سے شروع ہوئی۔

🔹 یمن کے انقلابی رہنما نے سعودی جرائم کا تفصیلی ذکر کرتے ہوئے کہا کہ سعودی جارح نے ہزاروں بچوں اور خواتین کو شہید کیا،2,000 سے زائد مسجدوں کو نشانہ بنایا، نابیناؤں کے مرکز، قبرستانوں اور تاریخی عمارات کو تباہ کیا، اور جنسی جرائم سمیت ہولناک مظالم کا ارتکاب کیا۔ انہوں نے کہا کہ یہ جرائم محض انفرادی واقعات نہیں بلکہ ایک مستقل پالیسی تھے، اور اس کے شواہد اقوام متحدہ کے پاس بھی موجود ہیں۔

🔹 سید الحوثی نے محاصرے کے اثرات بیان کرتے ہوئے کہا کہ یمن کی قوم کو 12 سال سے خوراک اور دوا تک رسائی میں سنگین مشکلات کا سامنا ہے، اور محاصرے کا مقصد یمن کو تیل و گیس کے ذرائع اور سرکاری عملے کی تنخواہوں سے محروم کرنا تھا۔ انہوں نے سعودی رجیم پر الزام لگایا کہ وہ باطل پروپیگنڈے اور جھوٹے دعووں کے ذریعے یمن کی تصویر داغدار کرنے اور دوسروں کو اپنے جرائم میں شریک کرنے کی کوشش کر رہا ہے۔

🔹 سب سے اہم نکتے پر بات کرتے ہوئے، سید بدرالدین نے مکہ مکرمہ کو نشانہ بنانے کے سعودی دعوے کو "ایک بڑا جھوٹ، انتہائی قبیح و شنیع، اور ایک بڑی اور کھلی تہمت" قرار دیا۔ انہوں نے کہا کہ سعودی دشمن اس تہمت کو ان لوگوں میں پھیلانے کی کوشش کر رہا ہے جو اسکے جھوٹ کو قبول کرنے کے عادی ہیں، لیکن یہ دعویٰ کسی عقلمند انسان کے نزدیک قبول نہیں ہوا۔ انہوں نے زور دیا کہ یمن کی قوم قرآن، پیغمبر (ص) اور مکہ کی توہین کے خلاف سب سے وسیع تحریکیں برپا کرتی ہے، جس کی مثال عالم اسلام میں نہیں ملتی، اور یمنی قوم اپنی جانیں اور مال مکہ مکرمہ اور تمام اسلامی مقدسات پر قربان کرنے کے لیے تیار ہے۔

--

#یمن #بدرالدین #سعودی #جارحیت #مکہ #جھوٹ #محاصرہ #مقدسات #شواہد #اقوام_متحدہ