ٹرمپ کا سپاہ کے ساتھ خفیہ مذاکرات کا دعویٰ، شکست سے پیدا ہونے والے وہم ہیں، ہر دھمکی کو پوری سختی سے کچل دیں گے، سپاہ پاسداران انقلاب اسلامی ایران

👈 ایران نہ صرف تقسیم نہیں ہوا بلکہ مضبوط تر ہو گیا، ایرانی پائلٹوں نے عاشورائی جذبے کے ساتھ جنگ لڑی، فضائیہ کمانڈر کا زبردست خراج تحسین + تین لاپتہ پائلٹس کی حیثیت واضح کی جائے، ایران کا قطر سے مطالبہ + جنگی حالات میں بھی ملک کی سپلائی چین برقرار، وزیرِ راه و شہر سازی کا دعویٰ

🔶 سپاہ نے ٹرمپ کے خفیہ مذاکرات کے دعوے کو سختی سے مسترد کر دیا ہے۔ سپاہ کے ترجمان سردار محبی کا کہنا ہے کہ یہ دعویٰ محض ٹرمپ کی شکست اور بے بسی سے پیدا ہونے والی خیال پردازی ہے اور اس وقت سپاہ اور وزارت خارجہ کی طرف سے امریکیوں کے ساتھ کوئی مذاکرات نہیں ہو رہے۔

🔶 سپاہ کے ترجمان نے ٹرمپ کو مشورہ دیا کہ وہ اپنی خیال پردازی چھوڑ کر شکست قبول کریں اور ایران کی شرائط پر عمل کریں۔ ان کا کہنا تھا کہ ٹرمپ تیل کی قیمتوں کو کنٹرول کرنے کی ناکام کوشش کر رہے ہیں، جبکہ حقیقت میں امریکہ کے لیے واحد راستہ ایران کے ساتھ معاملات طے کرنا ہے۔

ایران کی اعلیٰ ترین عسکری، سفارتی اور انتظامی شخصیات کا مربوط پیغام

🔶 26 مرداد (17 اگست)، جس دن عراقی جیلوں سے رہا ہونے والے مجاہدین وطن واپس آئے تھے، اس موقع پر ایران کی اعلیٰ ترین عسکری، سفارتی اور انتظامی شخصیات نے ایک مربوط پیغام دیا۔ سپاہ پاسداران نے اپنے بیان میں کہا کہ وہ ان مجاہدین کی قربانیوں کو خراج تحسین پیش کرتے ہوئے رہبر معظم کی ہدایت پر ہر قسم کی دھمکی کو "مکمل دفاعی حکمت عملی اور طاقتور جوابی کارروائیوں" کے ذریعے کچل دیں گے۔

🔶 سپاہ کے نائب کمانڈر جنرل ایزدی نے کہا کہ ایران نے امریکی اسرائیلی دشمن کے خلاف نہ صرف تقسیم ہونے سے انکار کیا بلکہ اس پر دسواں حصہ خرچ کرکے غالب آیا اور اسکی تین ہزار سالہ تاریخ نے اس کامیابی میں اہم کردار ادا کیا۔

🔶 اسی طرح فضائیہ کے کمانڈر نے مجاہدین کے ساتھ ملاقات میں کہا کہ انہوں نے اپنے شاگردوں کو عاشورائی جذبے سے جنگ لڑنے کی تعلیم دی، جس کے نتیجے میں موجودہ جنگ میں بھی جوانوں نے کامیابیاں حاصل کیں۔

دوران جنگ ریکارڈ توڑ ترسیل، شاہراہوں اور ریلوے کی بحالی پر ایران کے وزیر کا تفصیلی جائزہ پیش

🔶 وزیرِ مواصلات و شہر سازی نے جنگی حالات میں ملک کے رسدی نظام کو برقرار رکھنے کے لیے اپنی وزارت کی کارکردگی کا تفصیلی جائزہ پیش کیا اور بتایا کہ ریکارڈ توڑ ترسیل، شاہراہوں اور ریلوے کی بحالی کو یقینی بنایا گیا۔

بقائی کی قطر میں تین لاپتہ ایرانی پائلٹوں، پاکستان کی ثالثی کے حوالے سے ہفت وار پریس کانفرنس

🔶 سفارتی محاذ پر ایران کی وزارتِ خارجہ کے ترجمان بقائی نے قطر کے ساتھ تین لاپتہ ایرانی پائلٹوں کے معاملے پر رابطے جاری رکھنے کا اعادہ کیا اور کہا کہ یہ معاملہ ایران کی اولین ترجیح ہے۔ انہوں نے امریکہ کی دشمنی، پاکستان کی ثالثی، فرانس کے سفارتی عملے کے اخراج اور خلیج فارس میں ماحولیاتی نقصانات جیسے معاملات پر بھی روشنی ڈالی۔