حزب اللہ کی ایف پی وی ڈرون ویڈیو نے قابض صہیونی فوجیوں کی پوزیشنوں کو تباہ کرتے ہوئے دکھا دیا + جنوبی لبنان میں اسرائیل کی دہشت گردی اور مجرمانہ حملے

حزب اللہ کے فوجی میڈیا نے ایک نئی ویڈیو جاری کی ہے جس میں ایف پی وی FPV ڈرونز کو قابض، جارح اور نسل پرست صہیونی فوجیوں کی پوزیشنوں کو تباہ کرتے ہوئے دکھایا گیا ہے، جسے المنار ٹی وی نے خصوصی طور پر نشر کیا ہے + قابض رجیم نے جنوبی لبنان کے متعدد علاقوں بشمول نبطیہ، علی الطاہر، کفر رمان اور قنطرہ پر شدید فضائی حملے کیے، جس کے بعد المیادین اور المنار نیٹ ورکس نے اس کی تصدیق کی ہے۔

جنوبی لبنان میں قابض رجیم کے شدید فضائی حملے:

🔹 بدھ کی صبح جنوبی لبنان میں صہیونی رجیم کی طرف سے شدید فضائی حملوں کا سلسلہ شروع ہو گیا۔ مقامی ذرائع کے مطابق متعدد دھماکوں کی آوازیں سنی گئیں، جسکے بعد المیادین نیٹ ورک نے بریکنگ نیوز میں تصدیق کی کہ جنوبی لبنان کے کئی علاقوں کو نشانہ بنایا گیا ہے۔

🔹 جارح اور نسل پرست صہیونی فوجیوں نے نبطیہ، علی الطاہر اور کفر رمان سمیت مختلف علاقوں کو شدید فضائی حملوں کا نشانہ بنایا۔ المیادین کے نامہ نگار نے مزید بتایا کہ قنطرہ قصبے کے گرد و نواح کو بھی قبضہ کاروں کے حملوں کا سامنا ہے۔ المنار نیٹ ورک نے بھی ان حملوں کی تصاویر جاری کر کے اس کی تصدیق کی ہے۔

نئی ویڈیو جاری:

🔹 حزب اللہ کے فوجی میڈیا نے منگل کو ایک نئی ویڈیو جاری کی ہے جس میں فرسٹ پرسن ویو (FPV) ڈرونز کے ذریعے قابض، جارح اور نسل پرست صہیونی فوج کے سپاہیوں کے ٹھکانوں اور اجتماعات کو نشانہ بنایا گیا ہے۔ یہ ویڈیو ایک ترانے کے ساتھ جاری کی گئی ہے جس کا عنوان "اللہ کی برکت سے دشمن کے خلاف نکلو؛ حملہ کرو، اور کوئی نشان نہ چھوڑو" ہے، اور اس میں ڈرونز کو اہداف کے قریب پہنچتے، دھماکے، اور جنگ بندی سے پہلے کی لڑائیوں کے دوران حزب اللہ کی کارروائیوں کے مناظر شامل ہیں۔

🔹 یہ ویڈیو خصوصی طور پر المنار ٹی وی کے سیاسی پروگرام کی 204ویں قسط کے دوران نشر کی گئی، جس میں قابض صہیونی افواج کے خلاف حزب اللہ کی کارروائیوں، خاص طور پر قلعہ الشقیف (بیوفورٹ کیسل) کے ارد گرد کے علاقے کو نشانہ بنانے والی کارروائیوں پر توجہ مرکوز کی گئی تھی۔