سپاہ پاسداران ایران نے کویت میں امریکی کمانڈر کے ہیڈکوارٹر اور ڈرون ہینگرز کو تباہ کر دیا، متعدد ہلاکتیں

سپاہ پاسداران ایران (IRGC) نے کویت کے علی السالم ایئر بیس پر امریکی کمانڈر کے ہیڈکوارٹر اور ڈرون ہینگرز کو مشترکہ میزائل اور ڈرون حملے میں تباہ کر دیا، جس میں متعدد امریکی اہلکار ہلاک ہوئے۔ یہ انتقامی حملہ، جوابی کارروائی سیریک میں شادی کی ایک تقریب پر امریکی بمباری کے جواب میں کیا گیا جسمیں نہتے اور بیگناہ شہریوں کو درندگی کا نشانہ بنایا گیا۔

🔹 سپاہ پاسداران انقلاب اسلامی ایران (IRGC) نے کویت کے علی السالم ایئر بیس پر امریکی کمانڈر کے کمانڈ سنٹر اور رہائش گاہوں کو مشترکہ میزائل اور ڈرون حملے میں نشانہ بنایا۔ اس حملے میں ایک ڈرون ہینگر اور ڈپلائمنٹ ریمپ کو آگ لگا دی گئی اور متعدد ڈرونز تباہ ہوئے۔ سپاہ کے مطابق، اس حملے میں متعدد امریکی اہلکار بھی مارے گئے۔

🔹 یہ انتقام، جوابی کارروائی جنوبی ایران، سیریک میں ایک شادی کی تقریب پر امریکی دہشتگردی اور بمباری کے جواب میں کی گئی، جس میں ایک بچے سمیت پانچ افراد شہید اور تقریباً 70 زخمی ہوئے۔ سپاہ پاسداران انقلاب نے کہا کہ یہ حملے کویت کی سرزمین کو امریکی "کافروں" کی موجودگی سے پاک کرنے کے لیے تھے۔

🔹 یہ انتقامی و جوابی حملہ سپاہ کی جانب سے اردن، بحرین اور اربیل میں امریکی اڈوں پر حملوں کے ساتھ ہی کیا گیا۔ یہ تازہ ترین کشیدگی امریکہ کی طرف سے آبنائے ہرمز میں ایران کے جزیرہ لارک پر حملے کے بعد سامنے آئی ہے۔ ایران نے اردن اور متحدہ عرب امارات میں امریکی افواج کو نشانہ بنانے والے مزید میزائل اور ڈرون حملے کیے ہیں۔

سپاہ کے شعبہ تعلقات عامہ نے براہِ راست کویتی عوام سے خطاب کرتے ہوئے ایران اور کویت کے دیرینہ تعلقات پر زور دیا۔

بیان میں کہا گیا:

"اے کویت کے معزز عوام! آپ ہمارے ساتھ اپنی محبت اور تعلقات کو بخوبی جانتے ہیں۔ جس چیز سے ہمیں تکلیف اور تشویش ہے وہ اسلامی سرزمینوں پر امریکی فوج کا قبضہ ہے، جو بچوں کو قتل کرتی ہے اور دہشت گردی میں ملوث ہے۔"

بیان میں اس جوابی کارروائی کو خطے میں امریکی فوجی موجودگی کی مخالفت کی کوششوں کا حصہ قرار دیا گیا اور کہا گیا کہ یہ حملے کویت سے امریکی فوجی موجودگی کو ختم کرنے میں مدد کے لیے کیے گئے ہیں۔

"یہ حملے کویت کی پاکیزہ سرزمین اور معزز لوگوں کی سرزمین کو امریکی کافروں کی آلودگی سے پاک کرنے میں آپ کی مدد کر رہے ہیں، اس امید پر کہ امریکی تسلط اور خونخوار صہیونی رجیم کا خاتمہ ہو، اور کویت کے معزز عوام قابض جارحوں سے آزادی اور خودمختاری حاصل کر سکیں۔"