یمن کا متجاوز سعودی رجیم پر وسیع میزائل اور ڈرون حملہ، خمیس مشیط اور ابھا نشانہ

اس خبر کو اپڈیٹ کیا گیا ہے 13:06

یمنی انصاراللہ نے سعودی عرب کے جازان، ابھا اور خمیس مشیط میں آرامکو کی آئل ریفائنری، بلک پلانٹ اور پاور پلانٹ سمیت اسٹریٹجک تنصیبات پر بڑے پیمانے پر ڈرون حملے کیے، جس کی تصدیق سیٹلائٹ ڈیٹا نے کی ہے۔ یہ حملے سعودی عرب کی طرف سے الجوف میں قتل عام کے جواب میں کیے گئے ہیں۔

🔶 یمن کا متجاوز سعودی رجیم پر وسیع جوابی، انتقامی حملہ:

یمنی فوج نے منگل کی صبح سویرے جنوبی سعودی رجیم کے صوبہ عسیر کے شہروں خمیس مشیط اور ابھا کو متعدد بیلسٹک میزائلوں اور ڈرونز سے نشانہ بنایا۔ اس دفاعی حملے میں ملک خالد ایئر بیس اور ابھا ہوائی اڈے کو نشانہ بنایا گیا، جس کے بعد ابھا ہوائی اڈا بند کر دیا گیا۔

🔶 مجرمانہ سعودی حملے، دہشتگردی کا پس منظر اور یمن کا جواب:

یہ حملے سعودی رجیم کی طرف سے الجوف کی مرکزی جیل پر دہشتگردی، مجرمانہ حملے کے جواب میں کیے گئے، جس میں 25 افراد کے ملبے تلے دب جانے کی اطلاع ہے۔ یمن کی اعلیٰ سیاسی کونسل نے اسے تناؤ میں ایک انتہائی خطرناک اضافہ قرار دیا اور ظالم، جابر اور متجاوز سعودی رجیم کو مکمل ذمہ دار ٹھہرایا۔

🔶 سیٹلائٹ ڈیٹا سے حملوں کی تصدیق:

ناسا کے FIRMS VIIRS سیٹلائٹ ڈیٹا نے سعودی عرب کے جنوب مغربی علاقوں جازان، ابھا اور خمیس مشیط میں متعدد ہیٹ سگنیچرز کا پتہ لگایا ہے۔ ان میں آرامکو کی جازان آئل ریفائنری، جازان بلک پلانٹ، ابھا میں آرامکو کا بلک پلانٹ اور عسیر سینٹرل پاور پلانٹ شامل ہیں۔

🔶 یمنی انصاراللہ کا موقف:

مقاومتی تحریک انصاراللہ کے سیاسی دفتر نے کہا کہ سعودی جرم بے سزا نہیں رہے گا اور انسانی حقوق کی تنظیموں سے مطالبہ کیا کہ وہ اس جرم کی مذمت کریں اور مرتکبین کے خلاف کارروائی کریں۔

🔶 یمنی علماء کی ایسوسی ایشن کی سعودی قتل عام کی شدید مذمت:

ادھر یمنی علماء کی ایسوسی ایشن نے الجوف اصلاحی مرکز میں قیدیوں اور انہیں ملنے آنے والوں کو نشانہ بنانے والے سعودی قتل عام کی شدید مذمت کرتے ہوئے کہا کہ یہ سعودی رجیم کے معاندانہ اور مجرمانہ طرز عمل کی عکاسی کرتا ہے، جو اسکے بقول فلسطین اور لبنان میں قابض و نسل پرست اسرائیلی دشمن اور ایران میں امریکی دشمن کے جرائم کے مترادف ہے۔

🔶 عراقی مزاحمتی گروہ کا یمنی مسلح افواج کی حمایت کا اعلان:

عراقی مزاحمتی گروہ کتائب حزب اللہ نے سعودی عرب کی طرف سے یمنی جیل پر حملے کے بعد یمنی مسلح افواج کی حمایت کا اعلان کیا ہے۔ اس حملے میں سات افراد شہید ہوئے تھے۔

کتائب حزب اللہ نے اس حملے کو امریکی-صہیونی سازشوں کا حصہ قرار دیا اور یمن کے ساتھ یکجہتی کا اظہار کیا۔ گزشتہ جولائی میں امریکی اور سعودی رجیم نے حشد الشعبی (ایک انسداد دہشتگرد اتحاد، جس کا کتائب حزب اللہ ایک رکن ہے) کے خلاف مشترکہ غیر اشتعال انگیز حملے کیے تھے۔ ان حملوں میں کم از کم 20 عراقی افراد (بشمول اہلکاروں اور شہریوں) شہید اور 32 زخمی ہوئے تھے۔

ویڈیو: سعودی جارح طیارے نے تعز صوبے کی ضلع مقبنہ میں ایک فضائی حملہ کیا، جس کے نتیجے میں ایک ماں اور اس کی دو بیٹیاں زخمی ہو گئیں۔

🌀 ویڈیو: یمنی کارٹونسٹ کمال شرف نے اپنے ٹویٹ میں کہا کہ

"سعودی دشمن کو یمنی عوام کے خلاف اپنے جرائم کے نتائج بھگتنے کے لیے تیار رہنا چاہیے۔"

--

#یمن #سعودی_عرب #میزائل_حملے #ڈرون_حملے #خمیس_مشیط #ابھا #الجوف_جیل #انصاراللہ #عراقی_مزاحمت #کتائب_حزب_اللہ #یمن #سعودی_حملے #جیل_پر_حملہ #امریکی_صہیونی_سازش #یکجہتی #حشد_الشعبی