ایران نے جزیرہ لارک پر حملے کے جواب میں اردن میں امریکی اڈوں کو نشانہ بنایا، خلیج فارس میں امریکی MQ9 ڈرون کی تباہی

سپاہ پاسداران نے ایران کے جزیرہ لارک پر امریکی حملے کے جواب میں اردن میں امریکی اڈوں کو میزائل حملوں کا نشانہ بنایا، قطر، کویت اور متحدہ عرب امارات میں بھی حملوں کی اطلاعات، خلیج فارس میں ایک امریکی MQ9 ڈرون کو تباہ کیا گیا، امریکی دہشتگردی کے ردعمل میں ٹرمپ انتظامیہ کے سابق عہدیداروں نے امریکی افواج کو خطے سے نکالنے کا مطالبہ کر دیا۔ سپاہ نے امریکہ کو خبردار کیا کہ اسے معاشی اور فوجی دونوں میدانوں میں اس "اسٹریٹجک اور مہلک غلطی" کی قیمت چکانا پڑے گی۔

🔶 ایران کے اردن میں امریکی اڈوں پر جوابی میزائل حملے، قطر، کویت اور امارات میں بھی حملوں کی اطلاعات، سعودی عرب میں پروازیں روک دی گئیں:

عرب ذرائع نے اردن کے جنوب اور مشرق میں ایران کے انتقامی و جوابی میزائل حملوں کے بعد شدید دھماکوں کی آواز سننے کی اطلاع دی ہے۔ یہ حملے دنیا بھر میں دہشتگردی میں ملوث امریکی فوج کی طرف سے ایران کے جزیرہ لارک پر حملے کے جواب میں کیے گئے۔ اس سلسلے میں عرب ذرائع نے اطلاع دی ہے کہ ایرانی میزائل جنوبی اردن میں العقبہ کے علاقے کے ساتھ ساتھ مشرق میں واقع معارف السلطی بیس پر داغے گئے، یہ دو مقامات ہیں جو امریکی دہشت گرد فوج کی میزبانی کرتے ہیں۔ اردن کی فوج نے بھی میزائل حملے کی تصدیق کی ہے۔ اس کے علاوہ، قطر کے العدید اڈے اور متحدہ عرب امارات میں امریکی اڈوں پر بھی حملوں کی اطلاعات ہیں، جبکہ کویت میں خطرے کی گھنٹیاں بجیں اور جدہ کے کنگ عبدالعزیز ایئرپورٹ پر پروازیں روک دی گئیں۔

🔶 امریکی دہشتگردی کے باعث تیل کی عالمی قیمتوں پر منفی اثر:

ان حملوں کے نتیجے میں عالمی تیل کی قیمتوں میں اضافہ ہوا، برینٹ کروڈ 90.32 ڈالر فی بیرل اور ڈبلیو ٹی آئی 85.41 ڈالر فی بیرل تک پہنچ گیا۔

🔶 خلیج فارس میں امریکی ڈرون کی ایران کے ہاتھوں تباہی:

سپاہ پاسداران انقلاب اسلامی نے اعلان کیا ہے کہ اس نے آبنائے ہرمز کے اوپر ایک امریکی MQ9 ڈرون کو میزائل سے نشانہ بنا کر تباہ کر دیا ہے۔ سپاہ کے بیان کے مطابق، یہ ڈرون خلیج فارس کے پانیوں میں گر کر تباہ ہو گیا۔

🔶 سپاہ کے ترجمان کا امریکہ کو انتباہ:

سپاہ پاسدارانِ انقلاب اسلامی ایران کے ترجمان سردار حسین محبی نے امریکی حملے، دہشتگردی کو "اسٹریٹجک اور مہلک غلطی" قرار دیا اور کہا کہ دشمن اس غلطی کی قیمت معاشی اور فوجی دونوں میدانوں میں ادا کرے گا۔

🔶 اردن میں امریکی اڈوں پر حملے کی تفصیلات:

سپاہ نے اپنے دوسرے بیان میں کہا کہ اس نے اردن میں واقع امریکی فضائی اڈوں ملک حسین اور الازرق کو میزائل اور ڈرون حملوں کا نشانہ بنایا ہے، جس میں ان اڈوں کی تکنیکی اور مرمتی انفراسٹرکچر کو شدید نقصان پہنچایا گیا ہے۔ سپاہ نے خبردار کیا کہ ہر جارحیت کا مزید سخت جواب دیا جائے گا۔

🔶 ٹرمپ انتظامیہ کے سابق عہدیداروں کی وارننگ، امریکی ہلاکتوں کا خدشہ ظاہر کردیا:

امریکی قومی انسداد دہشت گردی مرکز کے سابق سربراہ جو کینٹ نے خبردار کیا کہ امریکی افواج کو خطے سے نکال لینا چاہیے، ورنہ ایران کے ممکنہ جوابی حملے میں امریکی ہلاکتیں ہو سکتی ہیں۔ انہوں نے کہا کہ امریکہ کو معاشی دباؤ اور سفارت کاری پر توجہ دینی چاہیے۔

امریکی معاشی ماہر بریٹ ایرکسن نے بھی خبردار کیا کہ امریکہ ایران کے ساتھ ایک اور لامتناہی جنگ میں پھنس سکتا ہے۔