صہیونی رجیم کی مغربی کنارے میں جارحیت میں شدت، فوج گھروں میں داخل، متعدد گرفتار

قابض و جارح صہیونی رجیم کے فوجیوں نے الخلیل کے شمال میں بیت امر بستی پر دھاوا بول کر تمام راستے بند کر دیے، اور مغربی کنارے کے مختلف علاقوں بالخصوص نابلس میں گھروں کی تلاشی لے کر فلسطینیوں کو گرفتار کیا۔

🔹 امریکی پراکسی، قابض صہیونی رجیم کے فوجیوں نے فلسطینیوں کے خلاف مغربی کنارے میں اپنی جارحیت کے تسلسل میں الخلیل کے شمال میں واقع بستی «بیت امر» میں فوجی اقدامات کو تیز کر دیا۔ مقامی ذرائع کے مطابق، قابض افواج نے ایک فوجی بلڈوزر کے ساتھ اس بستی پر دھاوا بول دیا اور مٹی کی رکاوٹیں بنا کر بستی کے تمام داخلی اور خارجی راستے مسدود کر دیے۔ انہوں نے بستی کی تمام گلیاں اور اندرونی راستے بھی بند کر دیے، اسکا باہر سے رابطہ منقطع کر دیا اور شہریوں کی آمد و رفت کو روک دیا۔

🔹 گزشتہ روز بھی خبر رساں ذرائع نے رپورٹ کیا تھا کہ نسل پرست صہیونی رجیم کے فوجیوں نے مغربی کنارے کے مختلف علاقوں پر دھاوا بول دیا اور کئی شہروں اور گاؤں میں گھروں کی تلاشی لے کر فلسطینیوں کو گرفتار کیا۔ مقامی ذرائع کے مطابق، صہیونی رجیم کے فوجیوں نے نابلس شہر پر وسیع دھاوا بول دیا اور فلسطینیوں کے گھروں میں داخل ہو کر متعدد افراد کو گرفتار کر لیا۔ صہیونی رجیم کی فوج نے نابلس کی طرف اضافی کمک اور ایک بلڈوزر بھی بھیجا اور اس شہر میں فوجیوں کی موجودگی اب بھی جاری ہے۔

🔹 قلقیلیہ صوبے میں بھی قابض افواج نے اس صوبے کے شمال مشرق میں واقع بستی «جیوس» پر دھاوا بول دیا۔