اسرائیلی نقشے پر حزب اللہ کا سخت ردعمل، لبنان کی وزارت خارجہ نے اسرائیلی سرحدی نقشے پر زبان تھام لی، الاخبار کی رپورٹ

حزب اللہ نے اسرائیلی وزارت خارجہ کی طرف سے شائع کردہ ایک نقشے کو لبنان کے خلاف اسرائیلی توسیع پسندانہ عزائم کا ثبوت قرار دیا ہے۔ حزب اللہ کا کہنا ہے کہ یہ نقشہ اس بات کی ناقابلِ تردید تصدیق کرتا ہے کہ اسرائیل لبنان کی سرزمین، قدرتی وسائل اور قومی اثاثوں کو حاصل کرنے کے اپنے منصوبوں پر قائم ہے۔ حزب اللہ نے لبنانی حکومت کی مذاکرات اور مراعات کی پالیسی پر سخت تنقید کا نشانہ بنایا ہے۔

حزب اللہ نے مطالبہ کیا ہے کہ لبنانی حکومت اسرائیل کے ساتھ ذلت آمیز براہِ راست مذاکرات کو فوری طور پر روکے اور اقوام متحدہ کی سلامتی کونسل میں فوری شکایت درج کرے۔ حزب اللہ نے لبنانی عوام سے بھی اپیل کی ہے کہ وہ اس سنگین صورتحال کے خلاف متحد ہو جائیں اور اپنی خودمختاری اور قومی حقوق کے دفاع کے لیے کھڑے ہوں۔

الاخبار کی رپورٹ:

دوسری جانب الاخبار کی رپورٹ میں لبنان کی قابض، جارح اور نسل پرست صہیونی رجیم کے ساتھ جاری مذاکراتی حکمت عملی پر سخت تنقید کی گئی ہے۔ اسرائیلی وزارت خارجہ نے ایک نقشہ شائع کیا جس میں جنوبی لبنان کے بڑے حصے کو اسرائیلی سرزمین کے طور پر دکھایا گیا۔ اگرچہ یہ نقشہ بعد میں ہٹا دیا گیا، لیکن لبنان کی طرف سے اس پر کوئی باضابطہ اعتراض درج نہیں کیا گیا۔ الاخبار کے مطابق، لبنانی وزارت خارجہ نے اس معاملے پر خاموشی اختیار کی، جبکہ واشنگٹن میں لبنانی سفیر نے امریکی محکمہ خارجہ سے رابطہ کیا جس کے نتیجے میں نقشہ ہٹایا گیا۔

رپورٹ میں کہا گیا ہے کہ لبنان کو اس موقع سے فائدہ اٹھانا چاہیے تھا اور اقوام متحدہ کو باضابطہ شکایت درج کرنی چاہیے تھی، جیسا کہ 1923 کے فرانکو-برطانوی معاہدے، 1949 کی جنگ بندی اور 1978 کی قرارداد 425 میں طے شدہ بین الاقوامی سرحدوں کے مطابق تھا۔ لیکن لبنانی حکومت نے صرف امریکی ذرائع سے نقشے کو ہٹوانے پر اکتفا کیا۔

اسرائیلی ذرائع کے مطابق، مذاکرات کا اگلا دور مؤخر ہو گیا ہے کیونکہ لبنان نے انخلا کے علاقوں میں توسیع نہ کرنے کے احتجاج میں مذاکرات سے انکار کر دیا ہے۔

ایران کی وزارت خارجہ:

ایران کی وزارت خارجہ نے قابض و جارح صہیونی رجیم کے جنوبی لبنان میں وحشیانہ حملوں کی شدید مذمت کی ہے، جن میں شہری شہید اور زخمی ہوئے ہیں اور بنیادی ڈھانچہ تباہ ہوا ہے۔ ترجمان بقائی نے اقوام متحدہ کی سلامتی کونسل کی خاموشی کو صہیونی جارحیت میں اضافے کا باعث قرار دیا اور امریکہ کو ان تمام جرائم کا شریک جرم ٹھہرایا۔ بقائی نے لبنانی عوام کی مزاحمت کو سراہتے ہوئے ایران کی لبنان کی خودمختاری اور آزادی کے دفاع میں مکمل یکجہتی کا اظہار کیا۔