سعودی صفوں میں پھوٹ پڑ گئی، یمن کی مقامی انتظامیہ نے 'ناکہ بندی کے بدلے ناکہ بندی' کے مساوات کی حمایت کا اعلان کر دیا — سعودی حمایت یافتہ علاقے میں انصاراللہ کے لیے حمایت

🔶 یمن کے صوبہ تعز کے ضلع المخا کی مقامی انتظامیہ (جو سعودی حمایت یافتہ صدارتی قیادت کونسل کا حصہ ہے) نے یمنی مسلح افواج کی طرف سے سعودی قیادت والی فوجی اجتماعات کے خلاف مغربی ساحل اور دیگر صوبوں میں کی جانے والی کارروائیوں کی بھرپور حمایت کا اعلان کیا ہے۔ انتظامیہ کے مطابق، یہ کارروائیاں سعودی عرب کے یمن کے خلاف منصوبوں کو ناکام بنا رہی ہیں۔

🔶 اپنے بیان میں، مقامی انتظامیہ نے انقلاب یمن کے رہبر سید عبدالملک الحوثی کے لیے اپنی حمایت کا اعادہ کیا اور رہبری کو یمن کی خودمختاری اور وقار کے دفاع کے لیے تمام ضروری اقدامات کرنے کا اختیار دیا، جس میں "ناکہ بندی کے بدلے ناکہ بندی" کا مساوات بھی شامل ہے۔ انتظامیہ نے سعودی حمایت یافتہ کیمپوں میں موجود دہشتگردی میں ملوث سے اپیل کی کہ وہ گھر واپس آ جائیں اور سعودی قبضے کا مقابلہ کرنے والے دیگر یمنیوں کے ساتھ شامل ہو جائیں۔

👈 یہ بیان اس وقت سامنے آیا ہے جب یمن اور ظالم و جابر سعودی رجیم کے درمیان نئی کشیدگی ہے، جس میں یمنی مسلح افواج سعودی حمایت یافتہ فوجی اجتماعات کے خلاف جوابی، انتقامی کارروائیاں کر رہی ہیں۔ یہ کارروائیاں سعودی کشیدگی اور یمن کے اندر اپنی افواج کو مضبوط کرنے کی کوششوں کے جواب میں کی جا رہی ہیں۔ صنعا نے "ناکہ بندی کے بدلے ناکہ بندی اور کشیدگی کے بدلے کشیدگی" کے طریقہ کار پر زور دیا ہے۔