فریم ورک معاہدہ لبنان کا اسرائیلی دشمن کے سامنے ہتھیار ڈالنے پر مشتمل ہے، حزب اللہ فتح تک ڈٹی رہے گی، شیخ نعیم قاسم

👈 2006 کی جنگی فتح نے لبنان کی تاریخ میں ایک اہم تاریخی موقف قائم کیا

🔶 حزب اللہ لبنان کے سیکرٹری جنرل شیخ نعیم قاسم نے 33 روزہ جنگ کی فتح کی سالگرہ کے موقع پر ایک اہم خطاçب کیا جس میں انہوں نے 2006 کی جنگ کو لبنان اور پورے خطے کے لیے ایک تاریخی سنگ میل قرار دیا۔ انہوں نے کہا کہ یہ جنگ "وعدہ صادق" آپریشن کے نتیجے میں شروع ہوئی جو لبنانی قیدیوں کو اسرائیلی جیلوں سے رہا کرانے کی ناکام کوششوں کے بعد کیا گیا۔ اس جنگ نے اسرائیل اور امریکہ کے عظیم تر منصوبے کو ناکام بنا دیا اور 2006 سے 2023 تک اسرائیل کے خلاف روک تھام کا توازن قائم کیا۔

🔶 شیخ نعیم قاسم نے لبنانی حکومت پر سخت تنقید کرتے ہوئے کہا کہ حکومت نے اسرائیل کی معاہدے کی خلاف ورزیوں کو نظر انداز کر کے مزاحمت کے ہتھیار کو نشانہ بنایا۔ انہوں نے اسرائیل کے ساتھ براہ راست مذاکرات اور فریم ورک معاہدے کو رسوائی اور ذلت قرار دیا اور حکومت پر زور دیا کہ وہ اس راستے سے باز آئے۔ انہوں نے کہا کہ جنوبی لبنان میں لوگوں کی واپسی اور جنگ بندی کا سبب اسلام آباد مفاہمت تھی، نہ کہ فریم ورک معاہدہ، جس نے مغربی زوطر اور المنصوری کو مزید قبضے میں دے دیا۔

اسرائیل مطلق برائی ہے

🔶 آخر میں انہوں نے امام موسیٰ صدر اور شہید قدس سید حسن نصر اللہ کے راستے پر چلنے کا عہد کیا اور جنوبی لبنان کے عوام سے اپنے غصے کو برقرار رکھنے اور مستقبل میں اسے اپنے حق کے لیے استعمال کرنے کی اپیل کی۔ انہوں نے حکومت کو معاشی اور سماجی مسائل حل کرنے میں ناکامی کا بھی ذمہ دار ٹھہرایا اور زور دیا کہ مزاحمت تسلیم ہونے کو قبول نہیں کرتی اور وہ آخری دم تک لبنان کی خودمختاری کے لیے لڑے گی۔

--

ہمیں جوائن کریں:

*NarikapTV*

🖥 https://chat.whatsapp.com/Ikx9rjzpVtBFXQMOgFylGU